熨恤衫，你應該識，再問多句，熨恤衫點先為之very good？你當場啞口無言。

係，你大可以大聲反駁，熨到唔皺，貼貼服服咪得囉！但要熨到件衫唔皺兼直一直，並唔係空泛地講完就得。今次實實在在地，為大家即場示範，如何熨得掂件恤衫，當中，有九大個步驟，請各位Gentlement跟足，咪成日只識得將呢份工pass俾另一半。

皺到咁返工，你老細睇得起你至奇！學吓點熨啦！

步驟一︰
利用噴壺直接將水均勻地噴在衫身之上，使衣物更易熨直

步驟二︰
在正式熨衫之前，先了解衣底的衣服處理標籤，把熨斗調校至相同的指示位或熱度

步驟三︰
將蒸餾水注入熨斗，盡可能不要貪方便用水喉水，以防雜質及水喉水的鈣堵塞熨斗氣孔。另外，水喉水容易令淺色裇衫衫身變黃（尤其高溫）

步驟四︰
同時，將恤衫分類，顏色方面，應由淺入深，質料方面，應由硬至軟，以逐步調較溫度

步驟五︰
衫領
a.從衫領開始，由於衫領質地較厚，所以要特別用力按壓去熨，同時，衫領兩側易產生氣泡，要避免的話請由兩邊移向中央，減少氣泡。

b.將領口對褶，拉平，僅熨中間部份，後扣上頸喉鈕時，令領位看上去自然筆直

步驟六︰
肩背
先一口氣將肩背位熨直，兩手附助一邊扯緊一邊熨，易於順直

步驟七︰
袖口
與領位同理，因質地較原，要特別用力按壓去熨，盡量直接避免熨鈕扣，怕會溶掉

步驟八︰
手袖
雙面一起熨，要特別留意兩邊布料是否有起皺位，盡量拉直，以免反覆再熨

步驟九︰
前幅、後幅
特別留意鈕門及鈕扣時，可特意用到蒸氣，易於將厚布位置熨平，同時謹記避開鈕扣，免溶掉衫鈕。不過，不少裇衫已改用俗稱「貝殼鈕」的衫鈕，這種鈕含有部份貝殼成份，能抵受高熱。

最後，完成品著上身，件衫一啲皺都無，披埋件西裝褸，成個人又sharp兼醒晒！