之前同大家報導過窪塚洋介喺IG醉酒直播瞓著，最後由16歲大仔窪塚愛流執手尾嘅事件，當時好多人都話窪塚愛流處事就比老豆更加可靠。而近日窪塚愛流就終於拍攝人生第一個廣告，片中幾個鏡頭更加充滿老豆嘅影子！

今年16歲嘅窪塚愛流雖然係星二代，早年亦參加過電影拍攝、動畫配音，今年年頭更加正式出道做Model，喺IG上亦經常上傳同老豆嘅合照，但相比其他星二代，演藝事業就一直唔算活躍。直到今次為日本「THE SUIT COMPANY」拍攝廣告先係人生第一個廣告演出。作為現役高中生嘅佢即使「跳級」做年輕上班族都未見違和，有幾個近鏡更加令人諗起老豆窪塚洋介年輕時嘅模樣，令人慨嘆靚仔真係睇血統之外，亦相當期待愛流未來嘅發展。

窪塚洋介年輕時嘅模樣