日日三十幾度嘅日子終於殺埋嚟，個個行出冷氣地方就即時叫救命，烈日當空熱到hihi，嬲嬲哋真係想唔著衫就走出街，但奈何身處文明社會，警察會即時走嚟拘捕裸體人士，所以，有部份男士為求達到散熱目的，會想盡辦法不惜一切，以最少的布料迎戰初夏，但有時就好似過咗火位，有以下3點希望大家留意番；

1.接近露兩點背心

小編知道各位gentlemen被現時天氣熱到直頭唔想著衫出街，所以，笠番件背心已叫俾面，但就算著背心都要留意番，件背心剪裁是否太過寬鬆以至過份暴露，由前面睇幾乎露點，側邊睇就直頭兩點畢露，咁樣著出街似乎有啲過份囉！

著背心嘅話，最好操番少少老鼠仔就最好不過

2.處處人字拖

明白男士們連最心愛嘅波鞋都唔想著，選擇去到邊都以人字拖出場，就知天氣有幾熱，但咁喎，人字拖始終予人去沙灘hea，或者落街買外賣嘅感覺，如果真喺要著涼鞋，不妨選擇今期流行嘅Birkenstock或者Teva，可以散熱外又貼近潮流，一舉兩得。

人字拖似乎太hea了吧

點解唔選擇Birkenstock？又時尚又唔焗腳

3.勿忘黑色

唔好鬧住先，要你大熱天時著最吸熱嘅黑色，好似有啲自虐嘅感覺，但最衰男人穿起黑色時，就特別有型有自信，男人唔著黑色實在唔似樣。要將熱度降至最低，夏天要著黑時就要選擇overized t-shirt或者輕身透氣物料，咁就照樣可以man in black！

只要識得選擇通爽物料，著黑色上身都未必熱到爆嘅