玩開Luminox嘅朋友唔會陌生，品牌研發咗自行發光技術，令啲錶毋須靠電力或者吸收外來光線，都可以持繼發光25年，上天下海，以至外太空都一樣可以輕鬆讀取。今年Luminox 正式獲選為Navy SEALs官方腕錶發行機構，名正言順做軍錶龍頭。Basel錶展佢地首先推出嘅係兩套Special Operations Challenge :

每套分別搭配3050 Navy SEAL Colormark (3053.SOC.SET) 或4220 ANU (4223.SOC.SET)，部件包埋可換尼龍錶帶同換帶工具。不鏽鋼或碳強化聚碳酸酯錶殼，藍寶石水晶錶面，有多顆寶石的瑞士石英機芯，防水200米，搭配黑色PU物料錶帶，具備自行發光技術及10年壽命鋰電池，續航力、穩定性兼備。

出售腕錶的部分收益更將撥入海豹突擊隊基金會（Navy SEAL Foundation）支援受戰事影響的人員及其家屬。

另一套會玩嘅係 F-22 Raptor Chronograph系列 :

Lockheed Martin係F-22猛禽戰機嘅生產商，呢個collection都係用呢款戰機為靈感而設計。44毫米錶殼以鈦金屬製成，防水200米，錶圈備有計算尺，更方便戰機機師使用。錶冠形狀取材自戰機尾部嘅整流罩，呢個系列同樣有Luminox夜光功能。

F-22 Raptor Chronograph錶盤設計採用傳統3個小計時盤的形式，分別顯示流秒、累計分鐘同累計小時，而中間嘅計時碼錶則為秒針。特大日期位於6點方位。錶以瑞士石英機芯驅動，有4個型號，分別搭配精製鈦金屬錶鏈、皮錶帶或者灰色尼龍錶帶。