原來高牆、巨人都係講緊一啲傳統觀念，而明禎嘅女英雄角色，就係將呢啲固有框框打破，顛覆傳統。明禎訪問入面提到，自己無好似普通女仔咁，去到適婚年齡就上岸安家，反而好積極咁追求演藝夢想、開SPA 做生意，苦練勁過班麻甩佬嘅腹肌，努力地證明，自己唔係得個樣，同得對眼大咁簡單。

上年啱啱發行咗處女碟《冒險愉快》，之後就開始拍電影，開網劇，行港星好興嘅「歌、影、視」三棲路線，但拍戲同唱歌兩件事截然不同，邊樣對大馬女神比較難呀?

「演戲跟唱歌我覺得不一樣欸，演戲的話你要背台詞，你要隨時進入狀態。可能你今天要演很難過的一個人，然後你隔天要很開心這樣子。唱歌的話你就是要一直訓練，因為我要跳舞，要邊唱邊跳。所以就是要肺活量，每天要做幫助肺活量的運動 !」

我相信無人會懷疑你嘅肺活量同埋食量啦明禎，之前開live你都成日掛住要搵嘢食，不過唔緊要，男人係鐘意啲大食嘅女仔架啦。試過哂唱歌、拍戲，明禎最鐘意係邊樣?

「兩個都很 Enjoy，兩個都很喜歡 (笑)。最近其實接了一部偶像劇在台灣拍，那可是預計在今年會發行音樂上的一些作品，所以兩者都我希望可以兼顧到。」

忙到呢個地步，會唔會轉下眼就唔記得香港巴打先?

「我希望可以時常來香港欸，然後希望有更多的戲劇作品，然後可以有更多更棒的作品，可以來香港跟大家見面。」

提示 : 七個字
截止時間 : 6月8日，19:30
注 : MenClub 保留一切權利

後記 :

兩個月之內先後同家姐林詩枝，再同妹妹林明禎做訪問，我深深明白，佢兩姊妹雖然星途不一，但感情其實好好。我作為一個男編輯，又或者應該話作為一個男人，心裡比較係在所難免的 (話無都係呃你啦!)，即係咁，如果你大男人，好鐘意照顧人，可能明禎嗰種可愛比較合你，反之，鐘意有韻味嘅，玩浪漫玩生活態度，林家姐唔會令你失望，期待下次有機會一齊姊妹合影。

Photo : Vincent @ MenClub
Video : Ricky @ MenClub